مروا عليك للي بعدك

من أجمل ما سمعت هذه الابيات اخترتها لكم وانشالله تواصلون عليها كلٍ بأحلى بيتين مروا عليه ويهديهن للي بعده وشكرا لكم

اللي بقالي في غيابـك سكوتـك
واللي فقدته من غيابـك حنانـك
عذرك معك لو خبروني بموتـك
وحقي عليك ان كان عذرك زمانك
ما كان موعد واعذرك لو يفوتك
انا انتظرت العمر كلـه عشانـك !!!

*********************
جا يشوف الحال كيفه...بعد ما هزه حنينه
وقبل يسألني سألته...كيف حالك يالحبيب
قال انا كني غريب...ضيع ادروب المدينه
قلت انا كني مدينه...تنتظر رجعـة غريـب
**********************
اشوف الناس ذا يشكي وذا يبكي من الايام ... وذا يندم على حظه وذا يصرخ انا مسكين **** اجل وش قولة اللي في زمانه انحرم وانضام ... عليه من الزمن واقف من ظروف القدر والبين
**********************
المحبة ارض ..... والفرقا اراضي ......... وبلغوا الظالم ترى المظلوم راضي
*********************
كل غــايـــب يــغـــيـــب الا غــيــــابــــك حـضــر

لك حضــور ابغـيابـك حسبي الله عـليـك
********************
يامالك أمري وش نواياك بامري
ارحم خفوقٍ عن هوى غيركم صام.
حالي غدا مثل المساويك مبـري
.يا باريٍ حالي ترى البعد ظـلاّم.
أدري بحالك وانت بالحال تدري.
يالله عسى ذا العام أحسن من العام
**********************
أخذي جميع اللي تبين وعطيني ...
مجال أعبر عن هوى النفس وارتاح ...
ابشرح الي داخلي وافهميني ...
*********************

يمكن عذابي لاتكلمت ينزاح ...
ماني ضعيف بعزتي صدقيني ...
بس المشاعر تجذب الشخص لاطاح
**********************
يا معذبي .. ماعاد لك في حاجه "-" ماني على خبرك سواليف ومزوح
جــــرح مع الأيام تلقى علاجــــــه "-" وبعض الجروح اعلاجها نزعة الروح
*********************
اجرحك ولا امدحك كلها سوى ... ما تحس او ميتاً فيك الشعور **** شايفاً نفسك علي بالهوى ... آه ما تدري ترى الدنيا تدور
*********************

والله الابيات الجميلة كثيرة بس هذي مختارات ونفسح المجال لكم تكملون وهلا هلا بالشعر الجميل سواء من اشعاركم او اشعار غيركم